Шимал Кавказны курортларында солугъанла Эресейни почта бёлюмлеринден джюзле бла открыткала джибередиле.

Джууукълагъа, тенглеге, биргелерине ишлегенлеге почта бла открытка джибериу ашхы адет болгъанды. Аны бла бирге курортлада солугъанланы арасында хар нени интернет-тюкенледе заказ этиб, аны почтадан алгъанланы саны да ёсюб барады.
Адамла кёб тюрлю зат сатыб аладыла: кёзлюкле, спорт кийимле бла чурукъла, стол оюнла, китабла дагъыда башхала. Андан сора да, туристле, джюклери ауур болмаз ючюн, хапчюклерини бир кесегин посылка этиб, юйлерине ашырадыла.
«Почта баджаргъан джумушланы туристлени излемлерине кёре къурау баш борчубузду. Мындан ары да почта бёлюмлени ишлерин мийик дараджагъа чыгъарыу бла кюреширикбиз», – дейди Эресейни Почтасыны Шимал Кавказ макрорегионуну директору Александр Плотников.

САЛПАГЪАРЛАНЫ Умар.