Къарачай-Черкесияны 11-14 джыл болгъан спортчулары махтаулу болгъандыла.

Абыстол (ноябрь) айны 4-ден 10-на дери Грозныйде Эресейни кубогу ючюн (ГТФ) тхэквондодан уллу эришиуле бардырылгъандыла. Ол эришиулеге 57 къралдан 1370 спортчу къошулгъанды. Эресейни кубогун иелерге излегенлени арасында бизни джердешлерибиз да болгъандыла. Ала Къарачай-Черкесияны саугъа хазнасын 8 алтын, 4 кюмюш, 11 джез медалгъа байындыргъандыла.
Эсеблеге кёре, Эриккенланы Камиль, Алийланы Амин, Аджиланы Алим, Батчаланы Ансар, Байрамкъулланы Леон бла Хапаланы Амир, 1-чи орунланы алыб, алтын медалла бла саугъаланнгандыла.
Амин Чаушев, Амаль Чипчиков, Эриккенланы Карим бла Наурузланы Ибрагим да 2-чи орунланы иелегендиле.
Джуртубайланы Динислам, Наурузланы Амирлан, Байрамкъулланы Алим, Ижаланы Эмирхан, Кёбекланы Алихан, Эриккенланы Ильяс, Джаммаланы Умар, Хубийланы Динислам, Юсюпланы Дамир бла Адам Батчаланы Карим 3-чю ёчлю орунлагъа тыйыншлы болгъандыла.
Республиканы Физкультура бла спортну хакъындан министерствосу билдиргенден, бу спортчуланы кючлери бла Къарачай-Черкесияны командасы, 10-11 эмда 12-14 джылгъы спортчуланы араларында бардырылгъан эришиуледе алчы болуб, 2 алтын медаль бла саугъаланнганды.

СОЛТАНЛАНЫ Зульфия.