Багъалы студентле!
Сизни барыгъызны да байрамыгъыз бла - Россиячы студентликни кюню бла – таза джюрекден исси алгъышлайбыз!
Россия уллу студент бирлешликни къралыды. Аны тамалын фахмулу, нюзюрлю, этимли  джаш тёлю къурайды. Культурада, спортда, экономикада, медицинада, билим бериуде, туризмде эмда бирси санагъатлада джетишимлеригиз бла Ата джуртугъузну джашнатырыкъла сизсиз. Сизни аллай кючюгюз да барды.  Ол затда сизге билимигиз, фахмугъуз, къаджыкъмай кюрешиуюгюз, таукел оюмларыгъыз, дуниягъа джангы кёз  бла къарай билгенигиз ышаннгылы дагъан боллукъдула.  
Къарачай-Черкесияда да билимге, усталыкъ джаны бла ёсюуге, саулукълу джашау къураугъа, башламчылыкъгъа, спортха тырмашхан, урунууну сюйген джигер джаш тёлю ёседи.

Бизни республикада эмда аны тышында окъугъан студентледен излерибиз: тёгерегигизде бола тургъан ишледен бир джанында болмагъыз, джангы джараулу оюмларыгъызны джашауда толтурур ючюн, дунияны игиден иги эте барыр ючюн бардыргъан кюрешигизде муратларыгъызгъа джетгинчи тохтамагъыз. Туугъан республикагъыз бусагъатдан эсе дамлы, анда джашау бусагъатдан эсе берекетли  болуруна къыйын къошугъуз.
Терен билим алыугъа тырмашыуда, ашхы муратларыгъызны толтурууда биз сизге джетишимле теджейбиз. Хар затда хорламларыгъыз бла аталарыгъызны-аналарыгъызны, сизге ышаныб къарагъанланы къууандыргъан деменгили адамла болугъуз!
Барыгъызгъа да кючлю сюек саулукъ, джетишимле, насыб теджейбиз!