Къарачай халкъны онглу уланларыны бири, Къарачай-Черкес Республиканы ич ишлерини алгъыннгы министри, бюгюнлюкде уллу кърал къуллукъда тургъан генерал-лейтенант Боташланы Халисни джашы Казимир Эресей Федерацияны Президенти Владимир Путинни Указы бла «Ата джуртну аллында махтаулу ишлери ючюн» деген III-чю дараджалы орден бла саугъаланнганды.

Боташ улуну кёзюулю уллу кърал саугъасы бла таза джюрекден алгъышлайбыз. Анга кийик саулукъ, узакъ ёмюр, кърал ишде уллу джетишимле, юйдеги насыб теджейбиз. Ата джуртуна халал къуллукъ этген, аны сыйын мийикде тутхан, туугъан джуртунда ёсюб келген тёлюлеге юлгю болгъан акъылман, джигит джердешибиз бла ёхтемленебиз.
Багъалы Казимир! Баргъан джолунг джарыкъ эмда кенг болсун, къуру да этген муратынг толсун, эки джанынгда насыб бла игилик сюелсинле, чууакъ кёгюнгде кече Ай, кюндюз Кюн кёрюнсюнле. Эресейге джылы джелле урсунла, къралыбызгъа сенича джашла кёб туусунла.

«Къарачай – алан халкъ» джамагъат бирлешлик,
«Къарачай» газетни коллективи.