Къарачай-Черкесияда ич ишлени органларыны сыйлы къуллукъчулары эмда ветеранлары!
Санагъат байрамыгъыз бла сизни таза джюрекден алгъышлайбыз!

Сизни къуллугъугъуз ётгюрлюкню, джууаблылыкъны, кертиликни юлгюсюдю. Бюгюнлюкде, къралыбызны эмда аны адамларыны къоркъуусузлукъларын баджарыу баш орун алгъан кёзюуде, джорукъ сакълагъан органланы джууаблылыкълары андан да бек ёседи. Сиз, Къарачай-Черкесияда джорукъ бузулмазча этиб, аманлыкъчылагъа эмда экстремистлеге къаршчы кюреш бардырыб, аскер къаугъа баргъан джерледе салыннган борчланы толтуруб, джигитлигигизни эмда патриот сезимлеригизни танытасыз, Эресейни эркинлигин джакълаугъа уллу юлюш къошасыз.
Кёб джылланы Эресейни ич ишлерини органларында ишлеген ветеранлагъа уа энчи разылыгъыбызны билдиребиз. Сизни уллу иш сынамыгъыз, билимигиз, тири граждан оюмугъуз къыйын борчланы толтурургъа хазыр болгъан джаш къуллукъчуланы юретиуге деменгили тамал боладыла. Сиз тёлюлени бир-бирлери бла байламлы этесиз, къуллугъугъуз бла усталыгъыгъызда кертиликни юлгюсюсюз.
Санагъат байрамыгъыз бла алгъышлай, сизге эмда джууукъларыгъызгъа кючлю саулукъ, тамблагъы кюннге ышанмакълыкъ теджейбиз! Уллу джууаблылыкъ керекли ишигизге джердешлерибизден кёл табханлай туругъуз, юйюгюзде да эм бек сюйген адамларыгъыз сакъласынла!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ Джыйылыууну
(Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.