Багъалы джердешлерибиз!
Сизни кърал байрам бла – Халкъ бирликни кюню бла – алгъышлайбыз!

Бу байрам бирикмеклик, Ата джуртха сюймеклик бла кертилик Эресейни эркинлигин джакъларгъа болушханларын эсибизге салады. Арадан талай ёмюр кетсе да, байрамны магъанасы тюрленмейди – ол бирликни кючюдю, къралыбызда джашагъан миллетлени арасында шохлукъну белгисиди.
Бюгюнлюкде да, шохлукъну, бир-биринге болушууну, сый бериуню адетлерине таяна, бирлешиб, къыйын джумушланы баджарыргъа, Эресейни къоркъуусузлугъун бегитирге, регионларыбызгъа ёсюм алдырыргъа, джаш тёлюге джашау таблыкъла къураргъа боллукъбуз.
Кёб миллетли Къарачай-Черкесиябызда, къралыбызда да рахатлыкъ, джарашыулукъ орналсын. Республикада джашагъанлагъа саулукъ, насыб, игиликле теджейбиз!

РФ-ны Федерал Джыйылыууну Федерация Советини членлери

САЛПАГЪАРЛАНЫ Ахмат, КАЗАНОКОВ Крым.