Къарачай-Черкесияны сыйлы джамагъаты!
Барыгъызны да кърал байрам бла – Халкъ бирликни кюню бла – таза джюрекден алгъышлайбыз!

Бу байрам, къыйын кёзюуде биригиб, джарсыуладан да сый бла ётюб, Ата джуртубузну эркинлигин джакълагъан халкъыбызны кючлюлюгюн эмда тин байлыгъын кёргюзген белгиди. Ата-бабаларыбызны, къалабалыкъгъа джол бермей, бирикгенлерини тарих юлгюсю бюгюнлюкде тюбеген джарсыулагъа къаршчы турургъа кёллендиреди.
Бюгюнлюкде халкъны бирлиги, кючю аскер къаугъагъа къошулгъан аскерчилени джигитликлеринде, ётгюрлюклеринде кёрюнеди. Ала да, Уллу Ата джурт къазауатны джылларында, къарт аталарыча, къолларына сауут алыб, неонацизмге къаршчы туруб, тарих тюзлюкню, Эресейни эркинлигин джакълайдыла, джамагъатны къоркъуусузлугъун баджарадыла. Аланы джигитликлери бирикмекликни кючюн кёргюзеди, Ата джуртха сюймеклик бла патриотизм, бош сёзле болуб къалмай, эресейчи халкъны къанына терен сингиб тургъанларына шагъатлыкъ этеди.
Эресейни кючю аны кёб миллетли халкъыны бирлигиндеди. Кёб миллетни, динни келечилери джашагъан республикабызда да бу сёзлени магъанасы теренди. Шохлугъубуз, бир-бирибизге сый бергенибиз, Ата джуртубузгъа джууаблылыгъыбыз къралыбызны ёсюмюню деменгили тамалыдыла.
Багъалалы джердешле! Барыгъызгъа да кючлю саулукъ, юйдегилеригизге насыб, ашхылыкъла теджейбиз. Хар юйде мелхумлукъ орналсын. Эресей къралыбыз кюнден кюннге ёсюм алыб барсын!
Байрам бла! Халкъ бирликни кюню бла!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.