Барыгъызны да Халкъ бирликни кюню бла алгъышлайма!

Ата джуртубуз бурундан келген ашхы адетлерин сакълагъаны, келишиулю джашагъаны, бир иннетни тутханы бла не заманда да кючлю болгъанлай келеди. Эресей эркин, кишиге бойсунмагъан, кючлю къраллай турур ючюн, миллет нюзюрлеге джетер ючюн, бютеу джамагъат биригеди. Мындан ары да ол бирикмекликни сакълау къоркъуусузлукъну бегитиуню, ёсюм алыуну, тамбла кюнюбюзню ышаннгылы этиуню тамалыды.
Саулукъ-эсенлик, ишигизде джетишимле, ашхылыкъла теджейме сизге.

Эресей Федерацияны Президенти
Владимир ПУТИН.

Халкъ бирликни кюню бла алгъышлайма сизни!
Абыстол айны 4-де биз 1612-чи джыл хорламлы болгъан джигитлерибизни разылыкъ бла эсгеребиз. Къалабалыкъны тыйгъанлагъа, Ата джуртубузну башына эркинлигин сакълагъанлагъа, аны къраллыгъын бегитгенлеге бюсюреу этебиз.
Ма ол патриотлукъну, граждан джууаблылыкъны, Ата джуртха сюймекликни ёмюрледен келген ашхы адетлери бюгюнлюкге дери да сакъланнгандыла. Ала барыбызны да бирикдиредиле, тышындан келген къоркъуулагъа къаршчы кюрешни бардырыргъа кюч бередиле. Алай бла, Эресей да ёсюм ала барады.
Ата джуртубузну айнытыргъа аталгъан ишлеригизде уллу джетишимле, саулукъ-эсенлик теджейме сизге.

Эресей Федерацияны Правительствосуну
Председатели Михаил МИШУСТИН.

Къралыбызны эм сыйлы байрамларыны бири бла – Халкъ бирликни кюню бла – хакъ джюрекден алгъышлайма!
Бу тарих магъаналы кюн Эресейни бек джунчуулу кёзюую бла байламлыды. 4 ёмюрню мындан алда, ата-бабаларыбыз, Ата джуртха уллу сюймекликлери бла биригиб, деу къралыбызны кеси башына эркинлигин келир тёлюлеге сакълагъандыла.
Къралыбызны адамларыны къан бла сингнген патриотлукълары, уллу таукелликлери келир тёлюлеге кёчгенди.
Бусагъатда да бютеу халкъ, Президентибиз Владимир Путинни тёгерегинде биригиб, Эресейни кючю тюрлю-тюрлю миллетле бла динлени келечилери бир иннетде келишиулю джашагъанларында, бир-бирлерин сыйлагъанларында, джанларын-къанларын аямай, Ата джуртну къорууларгъа, аны джашнатыр ючюн джигер урунургъа хазыр тургъанларында болгъанын кёргюздю.
Бу байрам кюн сизге сюек саулукъ, уллу насыб, къралыбызгъа джарарыкъ ишлеригизде уллу джетишимле теджейме!

Эресей Федерацияны Президентини
ШКФО-да Толу эркинликли келечиси
Юрий ЧАЙКА.