Кёб болмай Ставрополь шахарда «РОССОЮЗСПАС» джамагъат бирлешликни окъуу аралыгъыны полигонунда, адетдеча, къутхарыучуланы эришиулери бардырылгъандыла. Ары Къарачай-Черкесиядан В.М Дзераев атлы излеу-къутхарыу отряд да къошулгъанды.

– Борчун толтура джан берген къутхарыучуну сыйына аталыб, былайда джыл сайын да быллай эришиуле боладыла. Крайны эмда хоншу регионланы къутхарыу-
чулары билимлерин-сынамларын кёргюзедиле, бир-биринден кёб затха юренедиле. Бу ишни юсюнде алчы сынам бла алмашыныу-
ну да магъанасы уллуду. Бу джыйылыугъа тюрлю-тюрлю санагъатланы къутхарыучулары эмда джамагъат къуралышланы отрядлары да къошулуучандыла, – деб хапар айтханды Эресейни МЧС-ни КъЧР-де управлениесини келечиси.
Программа магъаналы эмда сейир джарашдырылгъанын чертерге тыйыншлыды. Эки кюнню узагъына баргъан эришиуледе къутхарыучула эки ДТП-ны ишине къараргъа эмда къыйын джерледе эки тюрлю излеу-къутхарыу ишге къошулургъа керек болгъандыла. Аланы бири Немец кёпюрде бардырылгъанды – анда ишлерин иги билген устала мийик джерден кетгенлени къутхарыб кюрешгендиле.
Командала, алчы орунлагъа ие болур ючюн, кючлерин-къарыуларын, билимлерин-усталыкъларын аямай эришгендиле. Алай бла, биринчи оруннга Ставрополь шахарны «Къоруулау къуллугъу» МКУ-су чыкъгъанды, экинчи оруннга Къарачай-Черкесияны командасы ие болгъанды, ючюнчю орун да Лермонтов шахарны командасына джетгенди.