Къарачай-Черкесияны Зеленчук стансесинде МТС-ни сан (цифровая) экосистемасы LTE сетни джангыртханды. Джангы салыннган телекомоборудование мобиль интернетни джюрюшюн 30 процентге ёсдюргенди. Ол джангылыкъны Архыз бла Доммай курортланы сюйгенле сезерикдиле.

Уллу Зеленчук сууну бойнунда орналгъан Зеленчук стансе республиканы эм ариу, эм уллу эллерини бириди. Ол Архыз бла Доммайны джолларында эм онглу улоу аралыкъды. Бу эки тау лыжа курортха джыл сайын мингле бла туристле келедиле.
Энди ол къонакълагъа бек таб болгъанды. Ала суратларын, видеоларын сюйген джерлерине тыйгъычсыз ашырлыкъдыла, хауа болумдан толу хапарлы боллукъдула, керекли информация бла хайырланныкъдыла.
– Биз туристле аслам келген джерледе сетни игилендириб кюрешебиз. Дженгил, ышаннгылы интернет бла ала сюйгенлерича хайырланыргъа керекдиле. Архызгъа эмда Доммайгъа джол салгъанла къышха онлайн-сервисле бла заманны излемине кёре ишлерикдиле – Зеленчук станседе сетлени джангыртыу ол мадарны берликди, – деб чертгенди регионда МТС-ни директору Каппушланы Расул.
Алайды да, джумуш баджарыу игиленнген курортлагъа къонакъ болургъа излегенлени саны да ёсерикди.