Къарачайлыланы энчи джашау турмушларын терен тарихли болгъанларын кёргюзген кёб ашхы зат барды. Сёз ючюн, бышлакъ биширген бизде болмаса, бир миллетде да этилмейди. Аны къалай этилгенин хар тиширыу да биледи деб айтыргъа къыйынды. Аны амалтын, бара-баргъан заманда алагъа джарар деген нюзюр бла, бышлакъ биширген къалай этилгенин окъуучуларыбызгъа теджерге излейбиз.

Алгъы бурун беш-алты къургъакъ гардошну тыш къабугъун джонуб, чоюннга салыб, кёб суу къуймай биширесе. Бишгенден сора отдан алыб, къалгъан сууун сюзюб тёгесе, гулмагы къалмазча кючлю эзесе. Башха чоюннга бир литр суу къуюб, аны отха асаса. Ол къайнаб тебрегенлей, кесинги джюрегинг сюйгенча бир атым туз къошуб, анга эзилген гардошну къотараса, акъы-
рын-акъырын къатышдыра, тюбюнде отну да сериуюн этесе. Агъач къалакъ бла къатышдыра, бир къолунг бла аз-аз себе, ун къошаса. 4-5 такъыйкъа чакълы бир заманны аны булгъай турсанг, ол къалын болуб, бишген белги бериб башлайды. Олса-
гъатда 100 грамм ууакъ этилген башы аллыннган бышлакъны къошуб, къалакъ бла булгъаб, иги къатышдырыргъа керекди. Бышлакъны къошхандан сора, отну джукълатыб къойсанг джарарыкъды. Алай этсенг, бышлакъ исси чоюнну тюбюне джабышмайды, кюймейди. Чоюнну иссилигинден кеси эриб, созулуб тамамланады. Андан сора, уллу агъач къашыкъ бла табакълагъа къуюб, ортасына да чайкъалгъан сары джау-
ну гыртчыгъын саласа. Тепсинги бийи – гырджын бла – бышлакъ биширген хантны эм сыйлы къонакъны аллына салыб сыйларгъа боллукъду. Аш татлы болсун!

БАТЧАЛАНЫ Фатима.