«Путешествуем.рф» деген миллет турист порталда Къарачай-Черкес Республиканы джери бла баргъан эки машина маршрутну юсюнден айтылады. Ала бла регионну тарих, табигъат-культура байлыгъы болгъан джерлерине айланыб къараргъа болады.

«Сказочная Карачаево-Черкесия» деген биринчи маршрут сау джылны узуну боллукъду. Ол Черкесск, Архыз, Тёбен Архыз, Доммай, Теберди шахарлагъа эмда Гитче Къарачай районну джерине элтеди. Туристле тау лыжалы комплекслеге, буруннгу христиан храмларыбызгъа, уллу астрофизика обсерваториягъа барыб, зауукълу солургъа боллукъдула. Ала Кавказ тауланы ариулукъларына къараргъа да мадар табарыкъдыла.
«По пути древних цивилизаций» деген экинчи маршрут бла джуртубузну тарих джерлерине 5 кюнню айланырча мадар къуралгъанды. Ол археология эсгертмеле болгъан Хумарагъа, Учкуланнга, Доммайгъа, Хурзукга, Тёбен Архызгъа эмда башха джерлеге элтеди.
Эки маршрут бла да баргъан къыйын тюлдю. Аланы суратлагъан картала, башха къагъытла бардыла.