Бу кюнледе Черкесскеде Къарачай-Черкесияны биринчилиги ючюн тхэквондо спортдан сабийлени арасында эришиуле ётгендиле.

Эришиуледе КъЧР-ни ММА спорт школуну сохталары бла Тхэквондо спортну коммерция бла кюрешмеген джамагъат бирлешлигини спортчулары кеслерини кючлерин сынаб кёрдюле. Бу спортну техника джаны бла, бирси лагъымлары бла да уста хайырлана, кеслерини ауурлукъларында 12 сабий – 11 джашчыкъ бла 1 къызчыкъ – биринчи оруннга чыгъыб, алтын медаллагъа тыйыншлы болгъандыла.
Аланы атларын айтыргъа тыйыншлыды: Магулаланы Азамат, Тлябичев Амир, Семенланы Рустам, Боташланы Мурат, Наурузланы Эльдар, Чагъарланы Шамиль, Хапаланы Амир, Байчораланы Умар, Алботланы Азамат, Чотчаланы Амир, Огузов Эльдар, Байрамукъланы Ильяс, Алавердян Ашот, Къазанлыланы Ильяс, Озова Айша, Батчаланы Алан, Батчаланы Магомед, Бостанланы Алибек, Лепшокъланы Дениз, Чагъарланы Рашид, Черкасланы Ислам, Хабланы Хаджимет.
Сабийлени эришиулеге хазырлагъан Тхэквондо федерацияны КъЧР-де бёлюмюню юретиучюсю спортну устасы Чагъарланы Къурман-Алийни джашы Арсенди. Республикан дараджада хорламлы болгъан спортчу сабийле энди кеслерини усталыкъларын башха регионланы спортчулары бла сынаб эриширикдиле.

(Бизни корр.).