Къыркъаууз (сентябрь) айны 30-да Къарачай-Черкесияны джер-джеринде Донецк, Луганск халкъ республикала, Запорожье бла Херсон областла Эресейни къурамына киргенлерини кюнюне аталыб, джарыкълыкъ ишле бардырылгъандыла.

Ол кюн республикан аралыкъда Шохлукъну стеласыны къатында флешмоб болгъанды. Анга къошулгъан суратлау-чемерлик ансамблле тепсеб, джырлаб, джангы регионларыбызда джашагъан къарнаш миллет джуртубузгъа къайтханы барыбызгъа да уллу къууанч болгъанын кёргюздюле.
Ол тарих магъаналы кюн Черкесскеде кърал филармонияда да болду уллу концерт. Анга къошулгъан артистле, джырларында Ата джуртубузну деулюгюн суратлаб, къараучуланы патриот сезимлеге бёледиле.
«3 джылны мындан алда, къуру джангы регионлада джашагъанлагъа тюл, бютеу эресейчилеге да магъаналы иш этилгенди. Ол сагъатдагъы оноу бизни миллетлерибизни тарихлери, тин байлыкълары, иннетлери бир болгъанын, биз барыбыз да ариу, рахат джашаргъа излегенибизни кёргюзгенди», – деди КъЧР-ни Халкъ Джыйылыууну экономика политиканы, табышлылыкъ бла кюрешиуню, цифра ёсюмню, туризмни хакъындан комитетини тамадасы Алексей Ганшин.

(БИЗНИ КОРР.).