Джангы джылны аллы бла Къарачай-Черкесияны Башчысы Темрезланы Рашид Черкесскени Джарыкълыкъ юйюнде, бир къауум адамгъа искусствода, литературада, окъууда, культурада, саулукъ сакълауда, спортда, кърал, муниципал къуллукълада, экономикада кёргюзген мийик джетишимлери ючюн кърал саугъала бергенди.
Ол къууанч джыйылыуну ача, республиканы Башчысы Темрезланы Рашид, джамагъат бла джылы саламлашыб, Джангы джыл бла алгъышлагъанды.
«Бюгюн былайгъа джыйылгъанлагъа мен джюрек толу разылыгъымы билдиреме. Сиз бизни республикада эм сыйлы, эм махтаулу адамланы тизимин къурайсыз. Къыйын ишледе кёргюзген мийик джетишимлеригиз бла экономиканы, культураны, саулукъ сакълауну, спортну, башха санагъатланы ёсюмюне энчи юлюш къошасыз. Кюнден кюннге игиден иги ишлей, кесигизни профессионал борчугъузну тыйыншлысыча толтурасыз. Сизнича адамланы кючлеринден бизни республика айныйды, ёседи, адамланы джашаулары иги бола барады.
2017-чи джыл Къарачай-Черкес Республиканы 25-джыллыкъ юбилейи болуб ётдю. Бизге келген къонакълагъа озгъан джылланы ичинде къаллай ишле этгенибизни, къаллай джетишимлеге ие болгъаныбызны айтдыкъ, кёргюздюк. Аллай мийик джетишимледе сизни хар биригизни энчи юлюшюгюз болгъанына мен толу ийнанама. Къарачай-Черкесияны мингле бла адамлары республикабызны экономикасын ёсдюрюр джанындан къолларындан келгенни этиб кюрешгендиле. Сизге аны ючюн уллу бюсюреу этеме. Сизге кючлю саулукъ, узакъ ёмюр, насыб, ишигизде, джашауугъузда джангы мийик джетишимле теджейме», - дегенди Темрезланы Рашид.
Андан сора ол Къарачай-Черкес Республиканы Муслиманларыны дин управлениесини председатели Бердиланы Алийни джашы Исмаил хаджиге, «Къарачай» газетни директору-баш редактору, Россия Федерацияны махтаулу артисти, Къарачай-Черкесияны халкъ поэти Ёзденланы Магометни джашы Альбертге, Россия Федерацияны ашарыкъ индустриясыны махтаулу къуллукъчусу Кайшев Владимир Григорьевичге, Социалист Урунууну Джигити, Къарачай-Черкес Республиканы эл мюлкюню махтаулу къуллукъчусу Кишаев Датка Каровичге, Халкъланы шохлугъуну ордени бла саугъаланнган, Къарачай-Черкес Республиканы кърал къуллугъуну махтаулу къуллукъчусу Темиров Умар Ереджибовичге «За заслуги перед Карачаево-Черкесской Республикой» деген орденлени бергенди.
Ол кюн талай адам Къарачай-Черкесияны Башчысы Темрезланы Рашидни къолундан «КъЧР-ни культурасыны махтаулу къуллукъчусу», «КъЧР-ни махтаулу артисти», «КъЧР-ни махтаулу журналисти», «КъЧР-ни махтаулу ветеринар врачы», «КъЧР-ни халкъ окъуууну махтаулу къуллукъчусу», «КъЧР-ни махтаулу чегетчиси», «КъЧР-ни махтаулу юретиучюсю», «КъЧР-ни махтаулу врачы», «КъЧР-ни саулукъ сакълауда махтаулу къуллукъчусу», «КъЧР-ни эл мюлкюню махтаулу къуллукъчусу», «КъЧР-ни махтаулу энергетиги», «КъЧР-ни мекям-коммунал мюлкюню махтаулу къуллукъчусу», «КъЧР-ни махтаулу экономисти» деген атла аталгъанларына шагъатлыкъ этген удостоверениеле бла знакла да алгъандыла.
«Бюгюн былайгъа джыйылгъанлагъа мен джюрек толу разылыгъымы билдиреме. Сиз бизни республикада эм сыйлы, эм махтаулу адамланы тизимин къурайсыз. Къыйын ишледе кёргюзген мийик джетишимлеригиз бла экономиканы, культураны, саулукъ сакълауну, спортну, башха санагъатланы ёсюмюне энчи юлюш къошасыз. Кюнден кюннге игиден иги ишлей, кесигизни профессионал борчугъузну тыйыншлысыча толтурасыз. Сизнича адамланы кючлеринден бизни республика айныйды, ёседи, адамланы джашаулары иги бола барады.
2017-чи джыл Къарачай-Черкес Республиканы 25-джыллыкъ юбилейи болуб ётдю. Бизге келген къонакълагъа озгъан джылланы ичинде къаллай ишле этгенибизни, къаллай джетишимлеге ие болгъаныбызны айтдыкъ, кёргюздюк. Аллай мийик джетишимледе сизни хар биригизни энчи юлюшюгюз болгъанына мен толу ийнанама. Къарачай-Черкесияны мингле бла адамлары республикабызны экономикасын ёсдюрюр джанындан къолларындан келгенни этиб кюрешгендиле. Сизге аны ючюн уллу бюсюреу этеме. Сизге кючлю саулукъ, узакъ ёмюр, насыб, ишигизде, джашауугъузда джангы мийик джетишимле теджейме», - дегенди Темрезланы Рашид.
Андан сора ол Къарачай-Черкес Республиканы Муслиманларыны дин управлениесини председатели Бердиланы Алийни джашы Исмаил хаджиге, «Къарачай» газетни директору-баш редактору, Россия Федерацияны махтаулу артисти, Къарачай-Черкесияны халкъ поэти Ёзденланы Магометни джашы Альбертге, Россия Федерацияны ашарыкъ индустриясыны махтаулу къуллукъчусу Кайшев Владимир Григорьевичге, Социалист Урунууну Джигити, Къарачай-Черкес Республиканы эл мюлкюню махтаулу къуллукъчусу Кишаев Датка Каровичге, Халкъланы шохлугъуну ордени бла саугъаланнган, Къарачай-Черкес Республиканы кърал къуллугъуну махтаулу къуллукъчусу Темиров Умар Ереджибовичге «За заслуги перед Карачаево-Черкесской Республикой» деген орденлени бергенди.
Ол кюн талай адам Къарачай-Черкесияны Башчысы Темрезланы Рашидни къолундан «КъЧР-ни культурасыны махтаулу къуллукъчусу», «КъЧР-ни махтаулу артисти», «КъЧР-ни махтаулу журналисти», «КъЧР-ни махтаулу ветеринар врачы», «КъЧР-ни халкъ окъуууну махтаулу къуллукъчусу», «КъЧР-ни махтаулу чегетчиси», «КъЧР-ни махтаулу юретиучюсю», «КъЧР-ни махтаулу врачы», «КъЧР-ни саулукъ сакълауда махтаулу къуллукъчусу», «КъЧР-ни эл мюлкюню махтаулу къуллукъчусу», «КъЧР-ни махтаулу энергетиги», «КъЧР-ни мекям-коммунал мюлкюню махтаулу къуллукъчусу», «КъЧР-ни махтаулу экономисти» деген атла аталгъанларына шагъатлыкъ этген удостоверениеле бла знакла да алгъандыла.
ЛЕПШОКЪЛАНЫ Хусеин.
{jcomments}
