Прокуратураны хурметли къуллукъчулары бла ветеранлары!
1722-чи джыл бу ведомство къуралгъандан бери бизни къралны прокуратурасы, тарихни къайсы бир кёзюуюнде да бет джарыкълы ишлей, Россиягъа таза къуллукъ этгенлей келеди. Бусагъатда да прокурор надзорлукъ законну бузууну джолун кесгенлей, ол ишде кемликлени къоратыргъа себеблик этгенлей турады.
    Къарачай-Черкесияны прокуратурасыны къуллукъчулары, къралны власть  эмда джорукъ сакълагъан органлары бла, аны кибик джамагъат бла да къысха байламлылыкъ тутуб, бирлешиб иш баджаргъанлары бла адамланы закон бла берилген эркинликлерин, излемлерин къоруулаугъа кемсиз уллу юлюш къошадыла.

    Кёб джылланы узагъына сиз, законну излеми хорламлы болур ючюн, кесигизни къуллугъугъузну айыбсыз толтургъанлай, къралыбызгъа таза, халал къуллукъ этиуюгюз бла джаш къуллукъчулагъа ашхы юлгю кёргюзе ишлейсиз.
    Санагъат байрамыгъызны къууанчында сизге, Къарачай-Черкесияны прокуратурасыны органларыны къуллукъчулары бла ветеранларына, бюсюреу эте, сыйыгъызны кёре, барынга да кючлю саулукъ, энчи насыб, юйдеги тынчлыкъ теджейбиз! Уллу Россияны да, Къарачай-Черкесияны да айнытыр джанындан кюреше этген хар башламыгъызда джетишимли болугъуз!