Келир джыл мартны 18-де Россия Федерациягъа джангы Президент сайланныкъды. Аны бла байламлы Москвада «Бирикген Россия» деген политика партияны XVII-чи съезди болгъанды. Ары Къарачай-Черкесиядан баргъан делегациягъа Темрезланы Рашид башчылыкъ этгенди.
Россия Федерацияны Президенти В.В.Путин, съездни пленар джыйылыуунда сёлеше, мындан ары кёзюуде да Россияны къраллыгъын, аны джамагъатын тюрлю-тюрлю къоркъууладан сакъларгъа, адамларыны джашау дараджаларын ёсдюрюрге кереклисини юсюнден айтханды. Аны бла да къалмай, ол Россияда хар адамны ёсер эмда джетишимлери къатланыр мадарла къуралыргъа тыйыншлысын чертгенди. Президент «Бирикген Россия» бизни къралны, аны ичинде регионланы хорламланы джоллары бла элтген, бойнуна салыннган борчланы толтура барыр къарыуу, сынамы болгъан алчы партия болгъанын, алайлай да турлугъуна ышаннганын билдиргенди. Партияны членлерин баджарылыргъа керекли ишлени ачыкълаб, аланы къаджыкъмай толтурургъа чакъыргъанды.
«Аллыбызда толтурургъа амалсыз керекли бек магъаналы, бек джууаблы борчла турадыла. Алгъа барыуну тамалын салыр эмда ёсюмню джолу бла атлар ючюн, биз ол борчланы ажымсыз толтурургъа керекбиз», - дегенди Президент.
Ол «Бирикген Россияны» къуралгъан кюнюнден бери ётген кёзюуде этген эм уллу, эм магъаналы ишлеринде тохтаб сёлешгенди. Россияны андан ары ёсдюрюуню планы къралда миллет келишмеклик болса толлугъун айырыб чертгенди. Миллет келишмеклик болур ючюн а, неден да алгъа Россияны тюрлю-тюрлю халкъларыны адамларыны патриот сезимлерин ёсдюрюрге, аланы бир-бири тарихлерин, культуралары бла адетлерин сюерге эмда сыйларгъа, аланы араларында бир-бирлерин ангылау, келишмеклик болурча этерге керекди, дегенди.
«Биз, - деб чертгенди В. Путин, - белгилеген планларыбызны къуп-къуру миллетле арасы келишмеклик болса толтураллыкъбыз. Ол себебден къралда миллет келишмеклик болур ючюн къаджыкъмай кюреширге керекбиз».
Президент, билим бериу бла джангы санагъатланы ёсдюрюуню ишлерине джууаблы кёзден къараллыгъын излей: «Былайда сёз, башха санагъатланы юслеринденча, алчы цифралы технологияланы, биоинженерияны, роботизацияны хайырландырыуну юсюнден да барады. Ала бусагъатда огъуна келир цивилизацияны ёсюм джолларын ачыкълаб турадыла. Аны себебли ала тутхучлу ёсюб барырча этерге керекди», - дегенди. Ол дагъыда «Бирикген Россия» партияны башчылыгъы баджарыргъа керекли магъаналы ишлени юслеринден айтханды.
Пленар джыйылыугъа къошулгъанла В. Путин айтхан оюмланы огъурагъанларын биригиб харс ургъанлары бла билдиргендиле.
Андан сора Россия Федерацияны Правительствосуну Председатели, «Бирикген Россияны» башчысы Д. Медведев партияны аллыбызда джууукъ заманда баш магъана бериб толтурлукъ борчларыны юслеринден доклад этгенди. Ол анда чертгенден, партияны съезди, В. Путинни кесини кандидатурасын 2018-чи джыл мартны 18-де боллукъ президент сайлаулагъа теджегенин тюзге санагъанды.
«Биз Владимир Владимирович Путинни кеси кесин Россия Федерацияны Президентине теджегенин толу джакълайбыз. Владимир Владимирович, биз бусагъатда да, артда да Сизге къолдан келген болушлукъну аямай этерикбиз», - деб чертгенди Д. Медведев. Ол айтханына партияны башчысы дагъыда: «В. Путин, партияны тизимине кирмеген адамланы кёбчюлюгюне таянса, тюз этерикди», - деб къошханды.
Бусагъатда, Д. Медведев айтхандан, партияны 2 миллион 200 минг члени бла 900 минг джакъчысы барды.
«Бюгюн, - дегенди ол, - бизни партиябыз къралда 90 минг чакълы бир ал башланнган организацияны бирикдиреди. Бизни мадарларыбызны бары бир муратны толуруна - келир джылны мартны 18-и бизни кандидатыбыз Владимир Путин ажымсыз хорлагъан кюн болуруна - къуллукъ этерге керекди», - дегенди Д. Медведев, сёзюн тамамлай.
Съездни тамалында партияны Огъаргъы советине эмда Баш советине планда белгиленнгенича ротация этилгенди. «Бирикген Россияны» Огъаргъы советине ротация халда Къарачай-Черкесияны Башчысы Темрезланы Рашид да кийирилгенди.
Аны кибик пленар джыйылыуда «Бирикген Россияны» Огъары советини къурамы 100 адамгъа дери ёсгени, аны джангыргъан къурамына 12 адам киргени баямланнганды.
«Аллыбызда толтурургъа амалсыз керекли бек магъаналы, бек джууаблы борчла турадыла. Алгъа барыуну тамалын салыр эмда ёсюмню джолу бла атлар ючюн, биз ол борчланы ажымсыз толтурургъа керекбиз», - дегенди Президент.
Ол «Бирикген Россияны» къуралгъан кюнюнден бери ётген кёзюуде этген эм уллу, эм магъаналы ишлеринде тохтаб сёлешгенди. Россияны андан ары ёсдюрюуню планы къралда миллет келишмеклик болса толлугъун айырыб чертгенди. Миллет келишмеклик болур ючюн а, неден да алгъа Россияны тюрлю-тюрлю халкъларыны адамларыны патриот сезимлерин ёсдюрюрге, аланы бир-бири тарихлерин, культуралары бла адетлерин сюерге эмда сыйларгъа, аланы араларында бир-бирлерин ангылау, келишмеклик болурча этерге керекди, дегенди.
«Биз, - деб чертгенди В. Путин, - белгилеген планларыбызны къуп-къуру миллетле арасы келишмеклик болса толтураллыкъбыз. Ол себебден къралда миллет келишмеклик болур ючюн къаджыкъмай кюреширге керекбиз».
Президент, билим бериу бла джангы санагъатланы ёсдюрюуню ишлерине джууаблы кёзден къараллыгъын излей: «Былайда сёз, башха санагъатланы юслеринденча, алчы цифралы технологияланы, биоинженерияны, роботизацияны хайырландырыуну юсюнден да барады. Ала бусагъатда огъуна келир цивилизацияны ёсюм джолларын ачыкълаб турадыла. Аны себебли ала тутхучлу ёсюб барырча этерге керекди», - дегенди. Ол дагъыда «Бирикген Россия» партияны башчылыгъы баджарыргъа керекли магъаналы ишлени юслеринден айтханды.
Пленар джыйылыугъа къошулгъанла В. Путин айтхан оюмланы огъурагъанларын биригиб харс ургъанлары бла билдиргендиле.
Андан сора Россия Федерацияны Правительствосуну Председатели, «Бирикген Россияны» башчысы Д. Медведев партияны аллыбызда джууукъ заманда баш магъана бериб толтурлукъ борчларыны юслеринден доклад этгенди. Ол анда чертгенден, партияны съезди, В. Путинни кесини кандидатурасын 2018-чи джыл мартны 18-де боллукъ президент сайлаулагъа теджегенин тюзге санагъанды.
«Биз Владимир Владимирович Путинни кеси кесин Россия Федерацияны Президентине теджегенин толу джакълайбыз. Владимир Владимирович, биз бусагъатда да, артда да Сизге къолдан келген болушлукъну аямай этерикбиз», - деб чертгенди Д. Медведев. Ол айтханына партияны башчысы дагъыда: «В. Путин, партияны тизимине кирмеген адамланы кёбчюлюгюне таянса, тюз этерикди», - деб къошханды.
Бусагъатда, Д. Медведев айтхандан, партияны 2 миллион 200 минг члени бла 900 минг джакъчысы барды.
«Бюгюн, - дегенди ол, - бизни партиябыз къралда 90 минг чакълы бир ал башланнган организацияны бирикдиреди. Бизни мадарларыбызны бары бир муратны толуруна - келир джылны мартны 18-и бизни кандидатыбыз Владимир Путин ажымсыз хорлагъан кюн болуруна - къуллукъ этерге керекди», - дегенди Д. Медведев, сёзюн тамамлай.
Съездни тамалында партияны Огъаргъы советине эмда Баш советине планда белгиленнгенича ротация этилгенди. «Бирикген Россияны» Огъаргъы советине ротация халда Къарачай-Черкесияны Башчысы Темрезланы Рашид да кийирилгенди.
Аны кибик пленар джыйылыуда «Бирикген Россияны» Огъары советини къурамы 100 адамгъа дери ёсгени, аны джангыргъан къурамына 12 адам киргени баямланнганды.
{jcomments}
