Быйыл къыркъаууз айны 3-ден 21-не дери (сентябрь) Шимал Кавказ федерал округну къурамына кирген алты республикада – аланы ичлеринде Къарачай-Черкесия, Адыгея эмда Краснодар край да бардыла – «Шимал Кавказны халкъларыны шохлугъу» деб 33-чю кере велогонка бардырыллыкъды.

2025-чи джыл велогонка Уллу Хорламны 80-джыллыгъына эмда Черкесск шахарны 200-джыллыгъына аталгъанды. Бу эришиулеге Эресейни тюрлю-тюрлю регионларыны, Белоруссияны, Къазахстанны эмда Бирлешген Араб Эмиратланы келечилери къошулгъандыла.
Велогонка къыркъаууз айны 3-де Майкопда башланнганды. Ол Краснодар крайны, Къарачай-Черкесияны, Къабарты-Малкъарны эмда Шимал Тегейни юслери бла ётерикди. Джюрюш къыркъаууз айны 21-де Грозныйде тамамланныкъды. Джолну бютеулей узунлугъу 2000 километрге джууукъ боллукъду.
Къарачай-Черкесияда джюрюш къыркъаууз айны 7-де Черкесскеде Ленин атлы майданда, Комсомольская, Алийланы Умар атлы эмда Первомайская орамлада башланнганды.
Къыркъаууз айны 8-де – 9-да Черкесскеде, Архыз элде, Романтик посёлокда ётгенди. Къыркъаууз айны 10-да САО РАН-да таугъа ёрлеу болгъанды (бирем башха барышхандыла). Къыркъаууз айны 11-де Архыз элде эмда Черкесскеде болгъанды.
Бу кёбчюлюк эришиуле Шимал Кавказны регионларында 1993-чю джылдан бери бардырыладыла. Велогонка Эресейни велоспортдан чемпионатыны дараджасына тенгди.