Къарачай-Черкесияда, «Иги экология болум» миллет проектни джашауда орунлу эте, «Эресейни сууу» деген Бютеуэресей акцияны тамалында уллу мамматлыкъ бардырылгъанды.

Мамматлыкъгъа 23,5 мингден аслам адам чыкъгъанды – ол республиканы бютеу шахарлары бла районларында къыркъар (август) айны 29-да ётгенди.
Быйыл Къарачай-Черкесияны ара шахары къуралгъанлы 200 джыл болады. Ол ариу юбилейге республика бирден хазырлан-
нганды – уллу джетишимле бла эмда кирсиз, айбат болуб тюбегенди бу уллу къууанчха. Мамматлыкъ да ол затха шагъатлыкъ этгенине сёз да джокъду. Аны бла бирге Республиканы кюню да белгиленнгенди – ол байрам да адамланы учундургъанды.
Республиканы джамагъаты мамматлыкъгъа тири къошулгъанын чертерге тыйыншлыды. Айтыргъа, 341 гектар джерде багуш, хылымылы зат къалмай ариуланнганды.
Адамла барысы да тазалыкъгъа бирча сакъ тюлдюле. Кеслерини багушларын къайда болса да атыб къойгъанла тюбейдиле. Алай бла, мамматлыкъны кёзюуюнде 98 багуш къалау ариуланнганды.
Тазалыкъ бизни регионда кесине тыйыншлы орун алырын излеб, энтда къач айланы биринде быллай уллу мамматлыкъ бардырыр мурат барды.