Къыркъаууз (сентябрь) айны 11-де РФ-ны Вице-премьери Марат Хуснуллин РФ-ны Правительствосуну регионал ёсюмюню хакъындан комиссиясыны президиумуну кенгешин бардыргъанды. Ол кенгешге КъЧР-ни Башчысы Темрезланы Рашид да къошулгъанды.

Кенгешде «Инфраструктура для жизни» деген миллет проектни толтурууну, башха федерал программаланы тамалларында 2025-чи джыл къурулуш ишле бардырыуну юсюнден сёлешиннгенди. Анда айтылгъаннга кёре, ол миллет проектни тамалында быйыл бизни республикада, саулукъ сакълау, билим бериу, маданият, инженер эмда джол коммуникацияла дегенча, 101 социал магъаналы объект ишленникди. Инвестицияланы кючлери бла аланы къурулушларын дженгил тамамлар мадарла этилликдиле.