Къыркъаууз (сентябрь) айны 10-да РФ-ны Вице-премьери Дмитрий Патрушев бютеу къралда джер-джерге джыйылгъан къаты затладан джыйылгъан (твердые отходы) багушну къоратыугъа аталгъан кенгеш бардыргъанды.

Ол кенгешге Къарачай-Черкесияны Правительствосуну Председатели Мурат Аргунов, КъЧР-ни Правительствосуну Председателини орунбасары Сюйюнчланы Мурат, КъЧР-ни табигъат байлыкъла бла экологияны хакъындан министри Къочхарланы Диана къошулгъандыла.
Кенгешде къралны къаты багушну къурутуу бла байламлы излемлерин толтурургъа себеблик этерик ишлеге къаралгъанды.
Кърал къуллукъчула Эресей Федерацияны регионлары, къаты багушну заманында къоратыб барыр ючюн, къаллай мадарла этгенлерин сюзгендиле. Кенгешге къошулгъанла регионлада контейнерле, багуш ташыучу машинала джетишгенлери бла къалгъанларын да текшергендиле.
Дагъыда, 2025-чи джыл элия (июль) айны 2-де РФ-ны Вице-премьери Дмитрий Патрушев къаты багушну къурутхан объектле къураугъа аталгъан кесаматла этиу бла байламлы регионлагъа салгъан борч къалай толтурулгъаны да сорулгъанды.
РФ-ны субъектлерине, багушну къоратыргъа джараулу техника алыргъа деб, льготала къурар мадарла да сюзюлгендиле.
Кенгешни ахырында РФ-ны Вице-премьери Дмитрий Патрушев къаты багушну джараулусун джарашдырыу, къалгъанын къурутуу бла байламлы регионлагъа джангы борчла салгъанды.