Къыркъаууз (сентябрь) айны 9-да Къарачай-Черкесияны Правительствосуну Председателини биринчи орунбасары Смаккуланы Дагир уллу кенгеш бардыргъанды.

Ол кенгешге къошулгъанла «О создании современной инфраструктуры приемных отделений медицинских организаций с использованием модульных конструкций для оказания экстренной медицинской помощи больным с жизнеугрожающими состояниями, дооснащению и оснащению медицинскими изделиями приемных отделений медицинских организаций» деген проектни юсю бла бегим чыгъаргъандыла.
Кенгешде этилген оноугъа кёре, республикан больницаны джеринде, джанларына къоркъуу болуб, медиклени къолларына тюшгенлеге терк болушлукъ этерик бёлюм ачыллыкъды. Ол хазыр затладан дженгил огъуна къуруллукъду. Аны бла бирге республиканы клиника больницасына джангы медицина керекле да берилликдиле. Ол бёлюмге КТ, УЗИ, рентген этген эм иги аппаратла да салынныкъдыла.
Къарачай-Черкесияны саулукъ сакълау министрини биринчи орунбасары Владимир Селиванов айтхандан, бек ауруб къалгъанлагъа, ауур джаралы болгъанлагъа эм алгъа къарарыкъ бёлюмню джери 1500 квадрат метр боллукъду. Ол бизни регионда сынау халда ачыллыкъды. Къарачай-Черкесия да бирлери болуб, бютеу къралда быллай проектле къуру 19 регионда толтуруладыла.