Къыркъаууз (сентябрь) айны 11-де КъЧР-ни Башчысы Темрезланы Рашид Москвада РФ-ны эл мюлк министри Оксана Лут бла тюбешгенди.

Тюбешиуде республикада терек бачхачылыкъны айныутуну, эл мюлк бла байламлы башха ишлени юслеринден сёлешиннгенди.
Республиканы Башчысы айтхандан, 2024-чю джылны эсеблерине кёре, республикада терекледен 36,3 минг тонна битим джыйылгъанды. Ол аны ал джылындан эсе 1,7 кереге кёб болады. Айтыргъа, арт беш джылны ичинде терек бачхаладан битим джыйыу беш кереге ёсгенди.
Бюгюнлюкде Къарачай-Черкесияда терек бачхала 1,2 минг гектар джерни аладыла. Орнатыллыкъ терекчиклени чыгъарыу да ёсюм ала барады. Кърал болушлукъ программала да бу санагъатны айнытыргъа болушадыла.
РФ-ны эл мюлк министри Оксана Лут айтханнга кёре, битим джыйылгъан кёзюуде терек бачхала ёсдюрген мюлклеге турист маршрутла къурау санагъатха мындан ары да ёсюм алдырыргъа болушурукъду. Былай этилсе, кёб адам джаратырыкъды, туристле да терек бачхачылыкъны адетлери эмда эл мюлкде хайырландырылгъан джангы технологияла бла шагъырей боллукъдула.