Эресей гвардияны Къарачай-Черкесияда управлениеси «Каникулы с Росгвардией» деген бютеу къралыбызда бардырылгъан акциягъа тири къошулады.

Кёб болмай Эресей гвардияны бизни республикада управлениесини ведомстводан тышында къараууллукъ этген бёлюмюню къуллукъчулары бла Къарачай шахар бла Къарачай районда джорукъ сакълагъан аскерлени ветеранлары милицияны отставкадагъы майору Къобанланы Исмаилны башчылыгъы бла Къарачай шахарда школ лагерлени бирине къонакъгъа баргъандыла.
Ала сабийлеге эртденнги зарядка этдиргендиле, саулукълу джашау бардырыуну, спорт бла кюрешиуню магъанасыны юсюнден хапар айтхандыла, спорт эришиуле бла оюнла да къурагъандыла.
Къобанланы Исмаил «Каникулы с Росгвардией» деген акция ёсюб келген джаш тёлюню патриот сезимлерин ёсдюрюрге, Эресей гвардияны иши бла шагъырей этерге мадар бергенин чертгенди.
Эресейгвардиячыла сабийле бла ангылатыу- юретиу ушакъла бардыргъандыла, аланы сорууларына джууаб бергендиле.