Къарачай-Черкесияны сыйлы джамагъаты!

Барыгъызны да Юйдегини, сюймекликни эмда кертиликни кюню бла таза джюрекден алгъышлайбыз.
Юйдеги бизни джамагъатны тамалыды. Ол а тин байлыкъдан, ашхы адетледен, Ата джуртха сюймекликден къуралады. Ата-бабаладан келген адебни-намысны сакълагъан эресейчи юйдегиледе ёсюб келген джаш тёлюге урунуугъа сюймеклик, патриотизм сингдириледи.
Къарачай-Черкесия уллу, деменгили, бирикген, шох юйдегилери бла ёхтемленеди. Алада тёлюледен тёлюлеге берилген маданият эмда тарих байлыкъ бла бирге Ата джуртха кертилик, аны къорууларгъа хазырлыкъ, керек кюнде болушлукъ этиу дегенча асыл шартла да сакъланадыла. Бюгюнлюкде ол шартла бек керекдиле.
Аскер къаугъагъа къошулгъанланы юйдегилерине айырыб уллу бюсюреу этерге излейбиз. Сизни тёзюмлюлюгюгюз, ётгюрлюгюгюз сыйгъа-махтаугъа тыйыншлыды. Ол юйдегилеге болушлукъ этиу къралны баш ишлерини бирине саналады.
Багъалы джердешле! Сизге кючлю саулукъ, рахатлыкъ, мелхумлукъ теджейбиз. Хар юйде сабий ауазла эшитилсинле. Бу байрам хар биригизге да унутулмазлыкъ насыб, сюймеклик келтирсин!

Къарачай-Черкес Республиканы Башчысы
ТЕМРЕЗЛАНЫ Рашид

Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.