Право мизамын баджарыудан Координацион советни эмда наркотиклеге къаршчы республикан комиссияны мындан алда Темрезланы Рашидни башчылыгъы бла бардыргъан  кенгешинде джорукъ бузууну, джаш тёлюню арасында джайылгъан наркоманияны профилактикасыны юслеринден сёз баргъанды.
КъЧР-ни Башчысы, ал сёзюнде республикада ол затла бла байламлы халны суратлагъан статистиканы кёргюзе, бу джылны ичинде талай иш бардырылгъанын айтханды. Властны толтуруучу органларыны, муниципалитетини джорукъ сакълагъан структурала бла эмда Къоркъуусузлукъну управлениеси бла ол ишде байламлылыкълары иги дараджагъа чыкъгъанын чертгенди ол дагъыда. Арт джыллада джорукъ сакълаугъа джамагъат да тири къошулады. Башчы оюм этгеннге кёре, аны себеби бизде тыйыншлы норматив актла джарашдырылгъанындады.

Аллай гражданлагъа социал джаны бла джакъ болууну юсюнден властны джергили органларыны башчыларына аманат эте, кеслери аны контролгъа аллыкъларын излегенди.
Аны бла бирге Темрез улу профилактиканы не къадар хайыры болурча этер ючюн къарыуну аямазгъа чакъыргъанды.
Эм кереклиси ол иш кърал программаланы, сёз ючюн, «Комплексные меры противодействия злоупотреблению наркотическими средствами и их незаконному обороту в Карачаево-Черкесской Республике» дегенчаланы, ышыкълары бла этилседи. ВИЧ-инфекцияны профилактикасын да ол кенгешде кеси бир энчи теманыча сюзгендиле.

 
{jcomments}