Бу кюнледе Эресей Федерацияны Спорт министерствосундан Къарачай-Черкесиягъа къууанч хапар келди.

Бизни джердешибиз, «Спортну самбо тутушуну устасы», «Къарачай-Черкес Республиканы физкультурасы бла спортуну махтаулу къуллукъчусу» деген сыйлы атланы джюрютген, арт джыллада регионубузну атын сау къралыбызгъа айтдырыб тургъан «Нарт» деген футбол клубну баш директору, Къоркъмазланы Джагъафарны джашы Алибекге «Физкультура бла спортну айнытыуда джетишимлери ючюн» деген Сыйлы белги берилгенди.
Къоркъмазланы Алибек озгъан джыл РФ-ны Федерал Джыйылыууну Федерация Советини председатели Валентина Матвиенкону указы бла, Къарачай-Черкес Республиканы физкультура бла спортуну ёсюмлерине уллу юлюш къошханы ючюн, Бюсюрей къагъыт эмда Федерал Джыйылыууну белгиси бла саугъаланнган эди.
Талай джылны узагъына «Нарт» спорткомплексге башчылыкъ этиб тургъан, республикада футболну джангы, мийик дараджагъа чыгъарыугъа уллу къыйыны кирген джердешибизни кёзюулю саугъасы бла алгъышлайбыз.

ХУБИЙЛАНЫ Фатима.