Къыйын джашау болумгъа тюшген ийдегилеге болушлукъ этиуге уллу эс бёлюнеди. Аны бла байламлы комплекс программа ишлейди.

Болушлукъгъа джораланнган программаны тизими ёсгенден ёсе барады. Анга шагъатлыкъды 2024-чю джылны аякъ сюреминде ачылгъан кёб фукциялы юйдеги аралыкъ. Ол «Надежда» деген Къарачай-Черкес республикан социал-реабилитацион аралыкъны тамалында къуралгъанды.
Алайды да, бу аралыкъдан тюрлю-тюрлю къыйын джашау болумгъа тюшген кёб сабийли юйдегиле, джаш юйдегиле, аскер къаугъагъа къошулгъанла аны кибик кеслерине мадар излегенле булушлукъ табаргъа боллукъдула.
Былайда джарлылыкълары бла келген адамлагъа болушлукъ не къадар дженгилирек табдырыр ючюн, власть органла, фондла, организацияла бла байламлылыкъ къуралгъанды.
Кёб функциялы юйдеги аралыкъ ачылгъанлы 60 юйдегиге джууукъгъа тыйыншлы болушлукъ этилгенди: адамла керекли информация бла хайырланнгандыла, алагъа буюрулгъан ачханы алыргъа кеслерине джол ачхандыла, психология джаны бла эмда реабилитациягъа джараулу техниканы алыуда себеблик табхандыла. Алты юйдеги бютеу джумушларын этдирирге мадар табханды. Аралыкъ мындан ары да адамлагъа джарагъанлай, болушлукъ этгенлей турлукъду. Анга джол салыргъа излеген, аны бу адрес бла табарыкъды: Черкесск ш., Октябрьская орам, 74. Телефонлары: 8(8782)21-32-30, 8(928)925-11-09.