Багъалы джердешлерим!

Ата джурт къазауатны ветеранлары эмда тылда уруннганла! Сизни Уллу Хорламны 80-джыллыгъы бла хакъ джюрекден алгъышлайма!
Уллу Хорламны кюню миллет ёхтемлигибизни, бирикмеклигибизни, Ата джуртха сюймеклигибизни танытхан байрамды. Бу сыйлы байрам барыбызгъа да бирча багъалыды.
Хычаман (май) айны 9-у къралыбызны тарихине ёмюрлюкге джазылгъанды.
Эресей Федерацияны Президенти 2025-чи джылны Ата джуртну къоруулаучуну джылы деб баямлагъанды. Алай бла, Президентибиз дунияны миллетчиледен азатлагъанлагъа, бюгюнлюкде да ол мурдарланы тамырларын аскер къаугъада къурутуб кюрешгенлеге разылыгъын билдиргенди.
Бирикмекликни, джигитликни, джигерликни, Ата джуртха сюймекликни кючю бла халкъыбыз къралыбызны баш бошлугъун келир тёлюлеге сакълагъанын кесибиз да унутмазгъа, башхалагъа да унутдурмазгъа керекбиз.
Хар биринге да кючлю саулукъ, уллу насыб, берекет теджейме. Чууакъ кёкню тюбюнде рахат джашагъыз, Эресейни алгъа элтген хорламларыгъыз кёб болсунла!

РФ-ны Федерал Джыйылыууну Федерация Советини члени КАЗАНОКОВ Крым.