Президент Владимир Путин 2012-чи джыл майда къол салгъан белгили указланы толтурууда алчы болгъан 10 регионну араларында Къарачай-Черкесияда да барды.
Мындан алда «Медиалогия» деген компания кесини медиарейтингинде ачыкълагъанды аны. Компания ол указланы пакетинден айырыб кърал ишлеге оноу этиуге джораланнганлагъа къарагъанды. Сёз ючюн, къуру «Об основных направлениях совершенствования системы государственного управления» деген 601-чи указ бла байламлы бизни республикада талай магъаналы иш баджарылгъанды.
Аты айтылгъан 10 субъектни тизиминде КъЧР 7-чи орунну алады. Биринчи орун Приморск крайгъа берилгенди. Андан сора Тамбов, Омск областланы, Коми автоном область бла, Дагъыстан  Республика, Ханты-Мансийск автоном областны атлары айтыладыла. Къарачай-Черкесияны ызындан а Мурманск, Ленинград, Ульяновск областла барадыла.