Бизни республикада, биринчи кере, кёб функциялы юйдеги аралыкъ ачылгъанды. Ол «Надежда» республикан социал-реабилитацион аралыкъны «Островок надежды» деген кюндюзгю бёлюмюню базасында орналгъанды.

Бу аралыкъ юйдегилеге болушлукъ этерге деб къуралгъанды. Аланы джарсыуларына, тарыгъыуларына былайда тыйыншлысыча эс бёлюннюкдю. Адамла сорууларына джууаб табарыкъдыла, консультация аллыкъдыла, айтыргъа, не джаны бла да кёллери кёлтюрюлюрча затлагъа тюберикдиле.
Айтыргъа, сабийлери болгъан юйдегиле джашауда кёб тюрлю табсыз болумгъа тюшерге боллукъдула. Ала, кеслерине мадар излеб, аралыкъгъа джол салсала, болушлукъ да табарыкъдыла. Джумушлары бла келген адамла инджилмез ючюн, алайда талай бёлме барды – биринде сабийлери болгъан анала-атала, экинчисинде кёзюулерин сакълагъанла, ючюнчюсюнде да информация алгъанла турлукъдула. Адамла, бир-бирлерин джунчутмай, кёзюулерин сакъларча мадар къуралгъанды.
Алайда ишлегенле билимли усталадыла, не къыйын болумгъа тюшген адамгъа да мадар таба билликдиле. Тутхан ишлерин ахырына дери тындырлыкъдыла. Бир кёзюуде адамны джумушун тындырыр ючюн, заман керек да боллукъду, ол себебден тюнгюлмей сакъларгъа тыйыншлыды.
Кёб функциялы юйдеги аралыкъны адресин да айтайыкъ: Черкесск шахар, Октябрьская орам, 74.