Эресейни МЧС-ни Къарачай-Черкесияда Баш управлениеси власть бла, аны тюрлю-тюрлю дараджада къуралгъан органлары бла келишиб, Джангы джылны аллы бла боллукъ байрамла къоркъуусуз ётер ючюн, «Новый год» деген ат бла белгиленнген талай иш бардырлыкъды.

Аны тамалында джорукъгъа къарагъан органланы къуллукъчулары, объектледе отдан къоркъуусузлукъну излеми сакъланырча мадарланы хайырландыра, ишле бардырыб башлагъандыла. Ол къуралгъан ишлени кёзюуюнде объектлени администрациялары бла, ишчилери бла инструктажла этиледиле. Ала, къоркъуулу болум болуб къалса, адамланы алайдан къалай кетерирге кереклисин юретедиле, аланы юслеринден къагъытла бередиле.
Джашагъан джерлерине адамла барыб, ала бла да тюбешедиле. Джорукъгъа къарагъан органны къуллукъчулары социал къоруулауну органлары бла къартлагъа, джангыз кеслери джашагъанлагъа, кёб сабийли юйдегилеге, къарыусуз джашагъанлагъа кеслерин къоркъуусуз джюрютюрге юретедиле, ала бла ушакъ этедиле.
МЧС-ни къуллукъчулары, къоркъуусузлукъну юсюнден сёлеше, нызылагъа дженгил джаннган оюнчакъла, къагъытла, мамукъ, джау чыракъла тагъаргъа, аны джылыу берген приборланы къатына джууукъ салыргъа болмагъанын айтыб ангылатадыла, къуру сертифакациясы болгъан продукцияны алыргъа болгъанын билдиредиле. Юйден эшикге чыгъыб башлагъан сагъатда гирляндаланы, ток бла ишлеген приборланы джукълатыргъа кереклисин эслерине саладыла. Айтылгъанча этилсе, къоркъуусузлукъ сакъланныкъды, от тюшерик тюлдю, адамны джашауу зарансыз сакъланныкъды.
Къарагъан органланы къуллукъчулары пиротехника затланы объектледе къалай тутаргъа боллугъуну юсюнден да айтадыла. Джангы джылда хайырландырыллыкъ затла белгиленнгенича тюз сакъланмасала, къыйын болум орун алыргъа боллукъду.
Пиротехниканы сабийлеге берирге болмайды.
От тюшгени болса, мычымай, 101, 112 номерле бла терк огъуна къонгурау къагъыб билдиригиз.

Кочарова К.,
Эресейни КъЧР-де МЧС-ни тамада инженери ич къуллукъну тамада лейтенанты.