Багъалы тиширыула! Сизни эм джарыкъ байрам бла – Ананы кюню бла – таза джюрекден алгъышлайбыз!
Бу кюн джылыудан, сюймекликден толтуруб, сабий заманыбызда бизге къайгъыргъан, къыйын заманлада кёл берген, ашхы ишлеге кёллендирген аналарыбызны эсибизге салады. Бизни аналарыбыз, къарт аналарыбыз дуниягъа тёзюмлюле, терен акъыллыла болуб джаратылгъандыла, сабийлеге да сюймекликлерин бередиле. Барыбыз да билгенден, юйдегини кючю бир-бири сыйынгы кёрген, болушлукъ этген бла байламлыды. Аны тамалы уа, сёзсюз да, ананы сюймеклигиди.
Сабийлерин ариу халиге юретген, билимли этген аналагъа джюрек разылыгъыбызны билдиребиз.
Хурметли анала, республикабызны, къралыбызны тамбласын къураугъа сиз къошхан юлюшге багъа берген да къыйынды. Сиз ашхы адетлерибизни сакълайсыз, Эресейни джаш тёлюсюне дагъанлыкъ этесиз.
СВО-гъа къошулуб, къралыбызны эркинлигин джакълагъан аскерчилерибизни аналарына да уллу бюсюреу этебиз. Сиз керти патриотланы, ётгюр эмда джууаблы джашланы ёсдюргенсиз. Джигитлерибиз юйлерине хорлам бла къайтырларын ашыгъыб сакълайбыз.
Эресейде аналыкъгъа болушлукъ этиу кърал политиканы толтурууда баш орунну алады. Къарачай-Черкесияда кёб сабийли юйдегилени, кемизли сабийлери болгъан аналаны, сабийле алыб ёсдюргенлени джашау дараджаларын игилендириу бла байламлы ишле этилгенлей турадыла.
Багъалы анала, сизге кючлю саулукъ, узакъ ёмюр теджейбиз. Сабийлеригизни джетишимлерине къууана, рахатлыкъда, тынчлыкъда джашагъыз!
Къарачай-Черкес Республиканы Башчысы
Темрезланы Рашид
Къарачай-Черкес Республиканы Халкъ
Джыйылыууну (Парламентини) Председатели
Иванов Александр
Къарачай-Черкес Республиканы
Правительствосуну Председатели
АРГУНОВ Мурат.
