Къарачай-Черкесияны хурметли джамагъаты!
Барыгъызны да кърал байрам бла – Халкъ бирликни кюню бла – таза джюрекден алгъышлайбыз!

Халкъ бирликни кюню кючюбюзню, шохлугъубузну, Эресейни Президенти Владимир Путинни къатында бирикгенибизни кёргюзеди. Бу байрам, къыйын кёзюуде халкъ биригиб, джарсыуладан да ётюб, Ата джуртубузну эркинлигин джакълагъанын эсибизге салады.
Талай ёмюрню мындан алдача, бюгюнлюкде да биз бирлик баш ышаныбыз болгъанын эсибизде тутаргъа борчлубуз. Эресейни болгъан джетишими да аны тамалындады. Къралыбызда джашагъан миллетлени ашхы адетлери, маданиятлары бир-бирлери бла чалышыб, бизни кючлю этедиле. Биз къачан да Ата джуртубузну эркинлигин джакълагъанлай турабыз. Ата-бабаларыбыз бизге къойгъан байлыкъны сакълайыкъ, энди келлик тёлюлеге берейик.
Кёб миллетли Эресейде эмда Къарачай-Черкесияда джашаб, биз шохлукъну, бирикмекликни, сый бериуню багъасын иги билебиз. Бюгюнлюкде Эресейни кёб миллетли халкъыны бирикгенини себебинден, спецоперацияны кёзюуюнде да аскерчилерибиз, Ата джуртубузну къоруулай, неонацизмге къаршчы кюрешни тыйыншлысыча бардырадыла.
Багъалалы джердешле! Барыгъызгъа да саулукъ, насыб ашхылыкъла теджейбиз. Юйлеригизде насыб, сюймеклик, мамырлыкъ орналсынла. Эресей къралыбыз не заманда да ёсюмню джолунда барсын!

Къарачай-Черкес Республиканы Башчысы
Темрезланы Рашид

Къарачай-Черкес Республиканы Халкъ
Джыйылыууну (Парламентини) Председатели
Иванов Александр
Къарачай-Черкес Республиканы
Правительствосуну Председатели
АРГУНОВ Мурат.