Барыгъызны да Халкъ бирликни кюню бла алгъышлайма.
Патриотизм бла бирикмекликни бузулмазлыкъ адетлери, тин-иннет, адеб-намыс байлыкъ, шохлукъ ата-бабаларыбызгъа къыйын сынауладан ётерге, Ата джуртубузну айнытыргъа болушхандыла. Аланы джигитликлери, урунууда джетишимлери, къралгъа таза къуллукъ этерге тырмашханлары не заманда да бизге Ата джуртха таза сюймекликни юлгюсю болгъанлай турлукъду. Барыгъызгъа да джетишимле, ашхылыкъла теджейме!
Эресей Федерацияны Президенти Владимир ПУТИН.
Бу байрам Ата джуртун бек сюйгенлени, Эресей деменгили, кючлю, башына эркин кърал болурча не да этиб кюрешгенлени бирикдиреди.
1612-чи джыл абыстол (ноябрь) айны 4-де халкъ биригиб, джигитлик, ётгюрлюк танытыб, Москваны поляк интервентледен азатлагъанды. Бюгюнлюкде да патриотизм, тарихни сыйлау, адетлени сакълау, джууаблылыкъ дегенча асыл шартла къралыбызны къорууларгъа, экономикабызны айнытыргъа, эресейчилени джашау дараджаларын игилендирирге болушадыла.
Багъалы джамагъат, барыгъызгъа да саулукъ, ишигизде джетишимле теджейме. Эресейни атын махтау бла айтдыргъанлай туругъуз!
Эресей Федерацияны Правительствосуну Председатели
Михаил МИШУСТИН.
Сыйлы джамагъат! Барыгъызны да эм баш кърал байрам бла – Халкъ бирликни кюню бла – таза джюрекден алгъышлайма.
Бу къууанч кюн, Эресейни керти патриотларын бирикдириб, биз шохлукъда джашагъан кёб миллетли эмда кёб конфессиялы халкъ болгъаныбызны эсибизге салады. Кёб ёмюрлени узагъына адамланы бирикгенлерини себебинден къралыбыз экономикада, илмуда, джангы технологияланы сингдириуде, маданиятда, санатда уллу джетишимлеге ие болгъанлай келгенди. Ата-бабаларыбыз къазауатны джылларында кёргюзген джигитлик Ата джуртубузгъа сый-махтау келтиргенди. Бюгюнлюкде аланы туудукълары, аскер къаугъагъа къошулуб, салыннган борчланы бет джарыкълы толтурадыла. Кёб турмай ала хорламгъа ие боллукъларына ышанабыз.
Бюгюнлюкде эресейчилени барысы да Президентибиз Владимир Путинни тёгерегинде биригиб, къралыбызны эркинлигин джакълаугъа, анга ёсюм алдырыугъа тыйыншлы юлюш къошадыла.
Барынга да кючлю саулукъ, ашхылыкъла, джангы джетишимле теджейме!
Эресей Федерацияны Президентини Шимал Кавказ федерал округда
Толу эркинликли келечиси Юрий ЧАЙКА.
