Багъалы редакция! Сабийге джыл бла джарым болгъунчу анга ата къараргъа боллукъмуду, ол сабий ачха анга берилликмиди? Эмда ол ачханы ёлчеми къаллай бирди?
Б. Айгуф.
Къарачай район.

Багъалы Айгуф къарнашыбыз! Эресейни Социал фондуну Къарачай-Черкес бёлюмюнде билдиргенлерине кёре, бюгюнлюкде бизни республикада джыл бла джарымгъа дери сабийлеге къарагъан 5,5 минг адамгъа ачха тёленеди. Джылны аллындан бери ол затха джораланыб 412 мелиуан сом берилгенди.
Ол ачха анагъа неда атагъа бериледи. Аны кибик осуйлукъ этген адамгъа да теджеледи. Сабий ачханы алгъан ата, ана, осуйлукъ этген сабий бла турургъа, бир джерде да ишлемезге керекдиле.
Сабий ачханы ёлчеми анга къарагъанны иш хакъыны 40 процентине тенгди. Айтыргъа, аны тюбю 9227, 24 сомду, башы да 49123,12 сомгъа джетеди.

Газетни информацион къуллугъу.