Къобан районну джеринде заманны излемине джууаб этген къаты-къуту затланы джыяргъа джораланнган багуш полигон ишлениб тебрегенди. Бюгюнлюкде объектни фундаментин салыргъа джерни къазыб хазыр этгендиле.
Былайда бир затны эсге салыргъа керекди, фатар-коммунал мюлкню джарашдырыугъа себеблик этген кърал фонд къуралгъаны бла байламлы Къарачай-Черкес Республика къаты затлагъа джораланнган полигонну къурулушун башларгъа башына заявкасын ашыргъан эди.
Быйыл июнь айда Къарачай-Черкес Республиканы Башчысы Темрезланы Рашид бу фондну баш директору Константин Цицин бла кесаматха къол салгъандыла.


- Къаты-къуту затланы джыяргъа джораланнган объект заманнга джууаб этген полигонду. Республиканы джамагъаты эмда предприятиеле бла организацияла кеслерине керек болмагъан затларын элтиб, ары къуяргъа боллукъдула, - дегенди Темрезланы Рашид.
Бу объектни къурулушу фатар-коммунал мюлкню джарашдырыугъа себеблик этген кърал фондну, регионну эмда инвесторну ачхаларына ишленникди. Полигонда кёб тюрлю зат боллукъду: багуш къуюлгъан джер, мюлк зона, инженер сооружениеле, коммуникацияла дагъыда башха затла.
 Бир джылгъа былайгъа 36454 тонна къаты-къуту зат тюшерге боллукъду. Былайда 64 адам ишлерикди.

 
{jcomments}