Къарачай-Черкесияны сыйлы джамагъаты!
Барыгъызны да Эресей Федерацияны Конституциясыны кюню бла алгъышлайбыз.

30 джылны мындан алда алыннган Эресейни баш закону къралда демократияны ёсюмюню, адамланы эркинликлерин джакълауну деменгили тамалы болгъанды. Конституция бизни эркин къралыбызны джорукъларын, адамланы эркинликлерин, ёмюрледен келген адетлерибизни бегитгенди. Биз ол затланы сакъларгъа керекбиз, нек десегиз, ала бизни граждан бирлигибизни белгилейдиле, кюч бередиле.
Конституция бизге социал-экономика ёсюмге джол кёргюзеди. Ол себебден бизни баш борчубуз экономика кючюбюзню ёсдюрюудю. Ол а, сёзсюз да, къралда адамланы джашау болумларын игилендирирге мадар берликди.
Къарачай-Черкесияда, бютеу Эресейде да хар юйде ашхылыкъ, рахатлыкъ орналсын. Сизге саулукъ-эсенлик, юйдеги насыб теджейбиз.

Къарачай-Черкес Республиканы Башчысы
Темрезланы Рашид

Къарачай-Черкес Республиканы Халкъ
Джыйылыууну (Парламентини) Председатели
Иванов Александр
Къарачай-Черкес Республиканы
Правительствосуну Председатели
АРГУНОВ Мурат.