Къобан, Абаза эмда Адыге-Хабль районлада шекер чюгюндюрню джыйыб башлагъандыла.
- Быйыл 6,2 минг гектар джерден битим джыйыллыкъды. Бюгюнлюкде 150 гектар джерни шекер чюгюндюрюн джыйыб бошагъандыла.
- Айтыргъа, 7 минг тонна шекер чюгюндюр тюшгенди республикагъа. Битимни аман болмагъаны къууандырады. Ортача хар гектар джерден 458 центнер шекер чюгюндюр алыннганды, - деб хапар айтханды Къарачай-Черкес Республиканы Эл мюлк министерствосуну джууаблы къуллукъчусу.

Ол айтханнга кёре, бюгюнлюкде эм уллу джумуш къазыб алыннган чюгюндюрню сатыуду да, ол затны юсю бла фермерле джунчурукъ тюлдюле. Аны оноуу этилгенди. Къарачай-Черкесияда орналгъан шекер заводха ашырылады джыйылгъан битим.
Озгъан джыл КъЧР-ни башчылыкъ этген къауумуну къайгъырыуу бла инвесторла да табылыб, Ногъай районда орналгъан шекер заводну джангы ёсюм джолу башланнганды.