Къарачай-Черкесия Луганск Халкъ Республикагъа компьютер техника ашыргъанды.

Мындан алда ол республиканы Старобельск районуна 16 компьютер комплект ашырылгъанды. КъЧР-ни Окъуу бла илму министрини орунбасары Шаманланы Шамил айтханнга кёре, компьютерлени биргелерине, окъуу процессни тыйыншлысыча бардырыргъа джарарыкъ бирси керекле да болгъандыла: интерактив къанга, лазер принтер, проектор, компьютерге деб этилген столла бла шиндикле. «Ата джуртубуз бирди – Эресей. Биз биргебиз, бир-бири къатындабыз, андады бизни кючюбюз. Кесибизникилени атыб къоймайбыз», - деб да къошханды Шаман улу.
Президент Владимир Путинни Эресей Федерацияны азатланнган субъектлерине болушууну юсюнден аманатын толтура, Къарачай-Черкесияны Башчысы Темрезланы Рашид бла Луганск Халкъ Республиканы Старобельск районуну администрациясыны башчысы Александр Гончаров арада иш джюрютюуню хакъындан келишиуге мындан алда къол салгъан эдиле. Старобельск шахар Луганск Халкъ Республиканы азатланнган джерлерини аралыгъыды, ол себебден, аны айныууну бютеу республиканы джангырыуунда уллу магъанасы барды.
Келишиуге къол салыннгандан сора КъЧР-ни Правительствосуну ишчи къаууму, ол районну башчылыгъы бла бирге арада иш джюрютюуню джолларын белгилеб, РФ-да бюгюнлюкде ишлеген кърал программаланы, миллет проектлени джашауда биргелей бардырырча хал къураргъа керекдиле.