Джаш тёлю ишлени хакъындан федерал агентство баш билим берген заведениелени араларында бардырыучу конкурсун 6-чы кёре башлагъанын баямлаб, анга къошулургъа излеген ВУЗ-ладан заявкала алыб тебрегенди.


Ол конкурсда хорлагъанла проектлерин толтурургъа грант халда 15 мелиуан сомгъа дери алыргъа боллукъдула.
Конкурсха джыллары 14-ден 30-гъа дери болгъан эресейчи джаш адамланы проектлерин къошаргъа болады.
Аланы проектлерин, РФ-ны законларына кёре, конкурс башланырдан бир джылны алгъа эсебге тюшюб тургъан, кърал учреждениеледен башха баш билим берген организацияла теджерге боллукъдула.
Конкурс «Добровольчество», «Инициативы творческой молодежи», «Мероприятия, направленные на развитие профессиональных навыков», «Молодёжные медиа», «Патриотическое воспитание», «Профилактика негативных проявлений в молодежной среде и межнациональное взаимодействие», «Развитие социальных лифтов», «Развитие студенческих клубов», «Спорт», «Здоровый образ жизни», «Туризм», «Студенческие отряды», «Студенческое самоуправление», «Укрепление семейных ценностей» деген номинацияла бардырылады.
Джаш тёлю ишлени хакъындан федерал агентствону тамадасы Ксения Разуваева, бу конкурсну юсюнден айта келиб: «Баш билим берген заведениеле эресейчи илмуну, маданиятны, экономиканы алгъа элтирге излеген, элтген да этген фахмулу джаш адамладан толудула. Грант халда аланы ашхы башламчылыкъларына джол ачаргъа, алай бла къралыбызны ёсюмюне себеблик этерик проектлени толтурургъа болушлукъ этерге излейбиз», – дегенди.
Ол айтхандан, хар баш билим берген заведение конкурсха бир заявка джиберирге боллукъду. Анга теджелген номинациялада ючюшер проект къошар мадар барды. Заявкаланы байрым (февраль) айны 25-не дери grants.myrosmol.ru ссылка бла ашырыргъа керекди.

ТЕШЕЛЛЕУЛАНЫ Зульфия.

 
{jcomments}