С.П. Никулин атлы республикан сабий библиотекада 2000 сабий «Книжное лето» деген программагъа къошулгъанды.
- Джай каникулланы кёзюуюнде сабийлени библиотекада китаб окъургъа заманлары эркин болгъанды. Келген сабийлеге библиотеканы къуллукъчулары сейир китабланы теджегендиле. Аланы ичлеринде суратлау, илму эмда билимни ёсдюрюрге джораланнган чыгъармала аслам болгъандыла, - деб хапар айтханды сабий библиотеканы директоруну заместители Елена Мачехина.

Быйыл джай китаб окъугъан сабийлени саны иги кесекге ёсгенди. Ол зат, бери китабла бла шагъырей болургъа сынгар Черкесск шахарны сохталары тюл, муниципал районланы школларыны сабийлери да келгенлери бла байламлыды.
Сабийле китаб окъугъан бла бирге тюрлю-тюрлю темалагъа аталгъан сынау ишлеге да къошулгъандыла.