Сыйлы джердешлерибиз! Эресейчи парламентаризмни кюню бла барыгъызны да алгъышлайбыз.

Тамам 116 джылны мындан алда къралны закон тамалын эмда джорукъларын джашауда бардырыб башлагъан Кърал Дума къуралгъанды.
Ол заманны узагъына парламент институтла норматив-право тамалны тыйыншлы дараджада тутханлары бла къралны социал-экономика политикасына онг бергенлей келедиле. Алгъынладача, бюгюн да халкъ келечиле, ишлерин сайлаучула бла эмда граждан обществону институтлары бла къысха байламлылыкъда къурай, власть бла джамагъатны бир-бирлерине байлагъан кюч болуб турадыла.
Бюгюнлюкде, къыйын заманда, закон чыгъарыучу власть, къралны ичинде эмда къралла арасы болумда бир тюрлениу чыкъгъанлай, эрлай сагъайыб, къоркъуусузлугъубузгъа къатылгъанлагъа тыйыншлы джууаб берирча затлагъа норматив тамал къураб къояды.
Хурметли закон чыгъарыучула, кёб кюч излеген ишни айыбсыз баджаргъаныгъыз ючюн, сизге бюсюреу-сыпас эте, разылыгъыбызны билдиребиз. Барыгъызгъа да сюек саулукъ, къыйын ишигизде уллу джетишимле, Ата джуртубузну насыбы ючюн кюрешде уллу хорламлагъа джетигиз. Кючюгюз кёб болсун!

Къарачай-Черкес Республиканы Башчысы
Темрезланы Рашид

Къарачай-Черкес Республиканы Халкъ
Джыйылыууну (Парламентини) Председатели
Иванов Александр
Къарачай-Черкес Республиканы
Правительствосуну Председатели
АРГУНОВ Мурат.