Эресей Федерацияны Президенти Владимир Путин Украинада бу спецоперацияны амалсыз керекли кёрюб башлагъанды да, аны мен бек тюз ишге санайма. Украинадан эртделеде келиб мында, бизни элде джашагъан юйдеги да барды – Тапехин Валерий бла юй бийчеси Валентина Викторовна.

Ала бизни школда кёб джылланы ишлеб, бюгюнлюкде бири пенсиядады. Сабийлери, туудукълары Украинада къаугъала башланнгынчы кетген эдиле. Туудукъчугъу Даниил Донецк шахарда школну тауусуб, бери келиб къарт атасы бла къарт анасында турады. Къалгъанлары уа энди ызларына келалмай турадыла. Алагъа биз, школда ишлеген устазла, огъай эсенг, аланы иги таныгъаныбыз себебли, бютеу элчиле джарсыйбыз, къайгъырабыз. Алагъа бизни къолубуздан келгенича не ачха-бочха, неда башха болушлукъ керекди деб билдирселе, саулай эл да ёрге туруб болушуругъуна ишексизме. Къралыбызны Башчысы акъыллы, тири, стратегиялы адам болгъаны себебли, бу спецоперация мийик дараджада бардырылыб, Украина бла байламлы бу къаугъа къысха заманны ичинде джетишимли тынарыкъды деб бек ышанама.

Къралны буйругъун толтура, спецоперациягъа баргъан джашларыбыз борчларын бет джарыкълы толтуруб, къысха заманны ичинде юйлерине, юйдегилерине сау-эсен къайтсынла деб, Аллахдан тилейбиз.

Джазаланы Надя,

Халитни къызы,

Важное элде орта школну директору.