Уллу къралыбызны Президенти Владимир Путин 8 джылны узагъына Донецк бла Луганскеде этилиб тургъан артыкълыкъны игилик бла тохтатыргъа кюрешгенлей тургъанды.

Келишиу этиб арада рахатлыкъ орнатыргъа излегенди. Аны айтханына эс иймей, аллай бир заманны ичинде ол республикаланы адамларына азаб чекдириб, ёлюм сынатыб тургъандыла. Аны тышында Украинада НАТО-ну политикасы кючлеб, болум амандан аманнга кетиб, бизни къралны къоркъуусузлугъу бузула башлагъанында Владимир Путин  байрым (февраль) айны 24-де спецоперация бардырыргъа деб, Указ чыгъаргъан эди. Мен аны тюз этилген ишге санайма.

Мен кесим да аскерчи болгъанма. Эркишиге берилген буйрукъну толтурургъа борчду. Джуртну сакълауну юсюнде аскерчи джашларыбыз сыйлы борчларын махтаулу толтуруб, джуртларына, юйлерине къайтыб келирча болсунла.

Уруш баргъан джерледе къачхынчыла кёб боладыла. Аллайла, болушлукъ излей, бизни республикагъа келселе, алагъа къолундан келгенича болушургъа кереклисин ким да биледи.

Къарачайлыла Донецк бла Луганскени джамагъатына къралыбыз этген гуманитар болушлукъгъа да энчи юлюш къошадыла. Мындан ары да терен эс бёллюкдюле, къолларындан келгенни этерикдиле.

Не тюрлю болумда да биз къралыбызны этген ишин джакъларгъа борчлубуз.

 

Орусланы Назбий,

Зеленчук районда къазауатны, урунууну, аскер кючлени ветеранларыны эмда закон, джорукъ сакълауну джамагъат бирлешлигини тамадасы.  

 
{jcomments}