Уллу къралыбызны Президенти Владимир Путин Украинада спецоперация башларгъа деген Указын Донецк Халкъ Республика бла Луганск Халкъ Республиканы 8 джылны азаб чегиб тургъан миллетлерин къутхарыргъа эмда бизни къралны къоркъуусузлугъун сакълар ючюн чыгъаргъанды.

Президентибиз арада мамырлыкъ орун алыб турурча келишиб, рахатлыкъда этерге излеб, кёб кюрешгенди. Украинаны кърал тамадалары, политиклери аны эшитирге излемегендиле. Башха мадар болмагъанында Президентибизни Указын толтура аскерчиле Донецк бла Луганскени тамадаларыны тилеклери бла, байрым (февраль) айны 24-де, аланы джерлерине кириб,  тузакъдача джашагъан адамланы эркинликлерин джакълаб кюрешедиле. Аны барыбыз да ангыларгъа керекбиз.

Мен Украинада бардырыла тургъан ишни тюзге санайма. Аскерчиле ол затны терен ангылаб, тюз адамлагъа тиймей, миллетчилени, нацистлени, башха джауланы табыб, аланы къурутадыла. Биз алагъа Уллу Аллахдан терен акъыл, билим, тирилик, хорламлы болуб, Ата джуртларына, юйлерине сау къайтыб келирлерин тилейбиз. Быллай къаугъалада ёлген да этедиле, джаралы да боладыла. Ёлгенлени джандетге барлыкълагъа къошсун, джаралылагъа саулукъ, тёзюм берсин, деб тилейбиз Аллахдан.

Инджилиб, къыйынлыкъ сынаб, юйлерин, джерлерин къоюб, башларын къутхара, къачыб келгенлеге бизни таулу миллетибиз болушмай къоярыкъ тюлдю. Мен анга толу ышанама.

Инджилгенлеге гуманитар болушлукъ этиуге да, башха къарачай эллеча, бизни эл да энчи юлюш къошханды. Мындан ары да къайгъырлыкъды.

Салпагъарланы Доммай хаджи,

Джингирик элни имамы.