Къарачай-Черкес Республиканы Башчысы Темрезланы Рашид «Стоп кадр» от Северного Кавказа до Дальнего Востока» деген сурат конкурсха эс бёлгенди. Ол быйыл июлну 13-де башланнганды. Аны ТАСС бла «Это Кавказ» эмда DV Iand деген медиапроектле къурагъандыла.
- Къарачай-Черкесияны джамагъатын бу сурат конкурсха къошулургъа чакъырама. Бизде табигъатны ариулугъун ангылагъан, анга къайгъыргъан адамла кёбдюле, - деб джазгъанды инстаграмда КъЧР-ни Башчысы Темрезланы Рашид.

Сурат конкурсха Россияны джер-джеринден сурат алыргъа сюйгенле, керти профессионал сурат алыучула къошулургъа боллукъдула. Ары теджелген суратла Россияны табигъаты бла байламлы болургъа керекдиле. Ала джети темагъа аталыргъа тыйыншлыдыла: пейзажгъа, шахаргъа, табигъатха, хайуанлагъа, культурагъа, адамлагъа, адетге, адебге-намысха.
Конкурсха беш суратны джиберирге боллукъду - почта  photokonkurs Этот адрес электронной почты защищён от спам-ботов. У вас должен быть включен JavaScript для просмотра. деген адресге. Суратланы авторлары атларын, тукъумларын, телефон номерлерин, сурат къалайда, къачан алыннганын билдирирге  керекдиле.
Конкурс ноябрны 13-не дери барлыкъды. Андан сора жюри юч алчы оруннга ие болгъанланы белгили этерикди.