Къарачай-Черкесияны Башчысы Темрезланы Рашид РФ-ны Федерал Джыйылыууну Федерация Советини бизни республикадан сенатору Крым Казаноков бла тюбешгенди.

 Крым Олиевич республиканы Башчысына РФ-ны Федерал Джыйылыууну Федерация Советини Къоруулау бла къоркъуусузлукъну бегитиуню хакъындан комитетини къурамында РФ-ны Федерал Джыйылыууну Огъары палатасыны закон алыу бла байламлы ишлерине да, башха ишлеге да къошулгъаныны юсюнден хапар айтханды.
К. Казаноков, Къарачай-Черкесияны ёсюмюне аталгъан ишлени баджарыр муратда, федерал органла бла бирге къаллай ишле баджаргъаныны юсюнден да хапар бергенди.
Тюбешиуде этилген ушакъны юсюнден КъЧР-ни Башчысы Темрезланы Рашид: «Крым Олиевич бизни регионда кёб болуучанды. Ол мында, «Бирикген Эресей» политика партияны регионал бёлюмюню джер-джерге тинтиуле бла айланнган комиссиясына къошулуб, адамла бла тюбешиб, аланы джарсыуларындан хапарлы болады. Кърал къуллукъчула эмда джамагъат бирлешликлени келечилери бла бирге джердешлерибиз къайгъыргъан кемликлени тюзетир мадарла излейди.
Аскерчилеге, аланы юйдегилерине болушлукъ этиуге, РФ-ны кърал чеклеринде орналгъан субъектлери бла СВО-гъа гуманитар джюк ашырыугъа  тири къошулгъаны ючюн, сенаторгъа разылыгъымы билдиреме», – дегенди.
Башчы чертгенден, тюбешиуде къралны Президенти Эресейге ёсюм алдырыу бла байламлы салгъан борчланы толтурууну, КъЧР-ни социал-экономика болумун игилендириуню юсюнден да сёлешиннгенди.