КъЧР-ни Башчысы Темрезланы Рашид салгъан борчну толтура, элия (июль) айны 23-де республиканы Правительствосуну Председатели Мурат Аргунов Черкесск шахарны 200-джыллыгъын белгилерге хазырланыу бла кюрешген ишчи къауумну кёзюулю кенгешин бардыргъанды. Ол кенгешде КъЧР-ни Башчысыны эмда Правительствосуну Администрациясыны тамадасы Мурат Озов да болгъанды. РФ-ны Президенти Владимир Путинни Указыны тамалында Черкесск шахарны 200-джыллыгъы быйыл белгиленникди. Республикабызны ара шахарыны байрамына аталгъан джарыкълыкъ ишле къыркъаууз (сентябрь) айны 6-сы бла 7-де бардырыллыкъдыла.Кенгешге къошулгъанла байрамгъа хазырланыу бла байламлы бусагъатха дери этилген ишлени сюздюле, энди этилликлени белгиледиле. Черкесск шахарны мэри Алексей Баскаев, КъЧР-ни маданият министри Зураб Агирбов, эл мюлк министри Биджиланы

Умар, джаш тёлю ишлени хакъындан министри Тотуркъулланы Ибрагим, физкультура бла спортну хакъындан министрини биринчи орунбасары Ахмед Тхагапсов кеслери джууаблы болгъан ишлени къалай баджара тургъанларын айтдыла. Кенгешде этилген оноугъа кёре, байрамгъа дери шахар айбат, ариу этилиб, омакъ джасаллыкъды. Аны бла да къалмай, Черкесскеде талай социал объект ачыллыкъды. Ата эмда туугъан джуртха сюймекликни кёргюзген, республикада джашагъан миллетлени энчи шартларын суратлагъан кёрмючлеине аталыб, тюрлю-тюрлю спорт эришиуле да бардырыллыкъдыла. Аякъ машиналада эришиуледен Эресейни чемпионаты да аланы бири боллукъду. Анга 150 адам къошуллукъду. Джаш тёлюге джораланнган ишлени кёбюсю «Джашил айрымкан» деген солуу эмда джарыкълыкъ паркда Гитче кёлню къатында бардырыллыкъды. Кенгешни ахырында Мурат Аргунов, КъЧР-ни Башчысы Темрезланы Рашид байрам мийик дараджада ётеригин излегенин чертиб, белгиленнген ишлени деменгили, заманында баджарыргъа кереклисин къаты айтханды. къураллыкъдыла. Черкесскени юбилей