Бу кюнледе Эресей Федерацияны табигъат байлыгъыны хакъындан  министри  Дмитрий Кобылкин «Экология» деген миллет проектни толтурууну юсюнден видеоконференция бардыргъанды. Анга Къарачай-Черкесияны Башчысы Темрезланы Рашид да къошулгъанды.

Темрезланы Рашид видеоконференцияда айтханнган кёре, Къарачай-Черкесияда  «Таза кърал», «Таза суу», «Чегетлени сакълау» дегенча, федерал миллет проектле джетишимли толтуруладыла. 2019-чу джылгъа  белгиленнген ишле бары да этилгендиле.
Бизни республикада быйылгъа белгиленнген ишлени тизимин Урупда тау-магъадан комбинатны заранлы багушу сакъланнган джерни джангыртыб, хайырландырырча этерге джораланнган джумушланы 2-чи кёзюую башланады. Аны бла бирге устала Къарачай шахарда къаты багушну джарашдырыу бла да кюреширикдиле.
Ол тизимде Джёгетей Аягъы, Къобан районла арасы бла ётерик суу быргъыны къурулушу да барды. 
Къарачай-Черкесияда Ногъай районну Эркен-Шахар посёлогун, Адыге-Хабль районну Садовое элин, Хабез районну Бесленей элин таза суу бла баджарыргъа джораланнган ишле да быйыл бардырыллыкъдыла.